Mezrecelil

Teyrê Sîmir dê zornaxên deriyê zûbeyaniyê veke li wir. Û di zixur û tarên çiyayan de, dê biponijin evîndarên azadiyê. Di nawîsa ezîzên çiyayî de Teqdîskirina axaftina berfê ye Mezrecelîl. Gotinên duayên xwe Ji seqema wê Hildibijêrin şervanên çiyayî Li wir Di nexşeyeke xemrî Ya dûlêran Ku çend qirn e di berîka wan de ye Li wêneyekî digerin. Sedema tiliyên kêm Û piyên şewitî nepirsin Çîrokeke grotesk e Mezrecelîl Carinan hevalbend Carinan neyar e Serenada berf û çiyayan Li dengê wê guhdarî dikin em Û toza di çavên helbestan de Bi bayê wê re tê. Nepirsin Her pirs, kuştina Bersivê ye li wir.