Nameyen Becewab; Karşılıksız Mektuplar_{Karşılıksız Mektuplar}

Nameyên Bêcewab di eslê xwe de şiîreke dirêj e; şiîreke dirêj î bîst û pênc nameyî ku her beşa wê bi dîroka nivîsîna xwe ji beşên din hatiye veqetandin. Eger Nameyên Bêcewab, yan jî bi navê xwe yê tirkî Karşılıksız Mektuplar bi vê dîtinê bête xwendin, dê hesantir bê fêhimkirin. Nameyên Bêcewab pêşî bi tirkî û bi navê Karşılıksız Mektuplar hate nivîsandin û hin ji beşên wê di kovarên cihê de hatin weşandin. Paşê kitêb bi navê Nameyên Bêcewab bi kurdî hate nivîsandin; lêbelê ev cûr nivîsîn, ne wergerandin bû. Kitêb, ji hêla nivîskarê xwe yê ku dikare bi herdû zimanan şiîr binvîse û berê ew bi tirkî nivîsîbû, vê carê jî bi kurdî hate nivîsandin. Kurdiya kitêbê, anku Nameyên Bêcewab, di nav tarîxên Çiriya Pêşîn 1992-Adar 1994 de di hejmarên 1-18 î kovara Nûbihar de hate weşandin.